Er það virkilega svo að Samfylkingin sé að kúga þingmenn til að taka afstöðu í mikilvægum málum sem varða þjóðina alla til margra áratuga?

Vissulega er það svo að það þarf að taka ákvarðanir og það þarf að ganga frá málum til að efnahagurinn nái bata.

En þjóðin er ekkert veik; Íslendingar eru sterkir, sjálfstæðir og upp til hópa, vel að sér og menntaðir umfram margar þjóðir.  Íslendingar eru færir um að taka afstöðu og svara fyrir sig og við þurfum ekkert "Big Brother" forsjárhyggjuvald til að segja okkur hvaða skoðun við eigum að hafa. 

Við ýttum jú fyrri stjórnarflokkum út því okkur fannst þeir ekki hafa okkur nægilega inni í málunum og taka ákvarðanir án okkar vitundar.  Því miður réttum við núverandi valdhöfum stjórnartauminn.  Og nú á ekki bara að svelta okkur á upplýsingum það á líka að segja okkur hvað okkur á að finnast um illa upplýstar ákvarðanir.  Sem, að mér skilst, hafa illa grundaðar forsendur sem margar hverjar er búið að hrekja af þingmönnum, sérfræðingum, starfsmönnum Alþjóða Gjaldeyrissjóðsins, fyrrverandi seðlabankastjórum og sennilega fleirum.

En hvað veit ég?  Ég er bara borgari sem væntanlega á að hlíða, umorðalaust. Ég er ekki einu sinni þingmaður í stjórninni sem að því er virðist eiga líka að hlíða,  umorðalaust, svo maður verði ekki settur út af sakramentinu.

Stjórnarslit. Við kunnum það.  Sjálfstæðar skoðanir, hmmmm, virðist vera annað mál, við skulum taka upp ríkisskoðunina.   Takk fyrir mig Marteinn Mosdal hér. Ég kem aftur, ég kem alltaf aftur þegar minn tími er kominn. Og hann mun koma, eða þannig.

	Hefði þýtt stjórnarslit
Ábyrgðarmaður færslu Tilkynna um óviðeigandi tengingu við frétt

Fyrri ríkisstjórn Sjálfstæðis og Samfylkingar guggnuðu á að leggja fram mótmæli hvað þá kærur þegar "Hooligan" þjóðin Bretar tók okkur beinlínis í þurrt og eru enn að, segja ekki einu sinni takk fyrir.

Núna eru Samfylking, Vinstri Grænir og Framsóknarmenn sömu landráðamennirnir og áður.  Hafi Auðmenn íslands rænt okkur í gegnum bankana og Bretar farið illa með okkur með viðskipta og gjaldeyrishöftu þá er það með þegjandi samþykki ráðamanna landsins bæði fyrr og nú.

Við ætlum greinilega að sitja á rassgatinu, leyfa Bretum, auðmönnum, bankastjórum, þingmönnum, ráðherrum og veraklíðsleiðtogum að liggja á meltunni og gera ekkert þar til við erum orðin svo sátt við ástandið að það þarf ekki að gera neitt.

Þó ekki sé annar tilgangur með kæru fyrir hvaða dómstól sem er, jafnvel íslenskum, sem dæmir aðgerðina ólöglega og birtir það heiminum (bréf á sendiherra, utanríkisráðherra og fréttamiðla allra landa) þá eru þetta og verða landráðamenn.  Ég er kannski fornmaður í mér en hér er um meira að ræða en sparifé í IceSafe, það er um heiður heillar þjóðar sem hefur gegnum aldirnar stært sig af því að vera sjálfstæð og sterk. Mér finnst íslendingurinn aumur og skammast mín fyrir að vera slíkur þessa stundina.

Ég stóð ekki og barði potta við Alþingi, ég fór ekki heim til ráðamanna og krotaði á veggi, ég fór heldur ekki að kaupa mér grímu til að þekkjast ekki.  Ég trúði því að það væri fólk sem vildi vinna í málunum og segja mér hvað væri að gerast.

Ingibjörg, Jóhanna, Steingrímur, Sigmundur, skammist þið til að standa undir því sem þið lofuðuð með þessari stjórn og ******** þið til að vinna vinnuna ykkar.

	Veldur miklum vonbrigðum
Ábyrgðarmaður færslu Tilkynna um óviðeigandi tengingu við frétt

Ég stóðst ekki mátið að skrifa þetta.  Í þessari STUTTU grein eru 3 villur, sér nokkur mistökin.  Gætu farið framhjá hverjum sem er. 

Ég telst ekkki mikill fréttaáhugamaður en í undarlega mörgum fréttum sem ég les eða heyri er málfar eða stafsetning alveg merkilega slöpp.

 Fréttamenn: lesið yfir fréttirnar ykkar eða eins og ég þarf að gera vegna þess að ég sé ekki mínar eigin villur, látið aðra lesa yfir fyrir ykkur.

	Farsímatæknin orðin 20 ára
Ábyrgðarmaður færslu Tilkynna um óviðeigandi tengingu við frétt